सुनसरीको धरान उपमहानगरपालिका-६ पानवारीस्थित चौकी डाँडामा भएको ग्यांग फाइटमा पाँच जना घाइते भएका छन् । घाइते हुनेमा सोही उपमहानगरपालिकाका प्रकाश कुँवर,बासु रिजाल,निराजन मगर,अशोक मगर र रोमन शाही रहेका छन् । उनीहरुबीच सामान्य वादविवाद भइ एक आपसमा झगडा हुँदा ग्यांग फाइट गरेको इलाका प्रहरी कार्यालय धरानले जनाएको छ । घाइते उनीहरुको धरान स्थित विजयपुर अस्पताल र विपी कोइराला स्वास्थ्य विज्ञान प्रतिष्ठानमा उपचार भइरहेको छ ।