भारत लैजादै गरिएका तीनजना युवतीलाई कपिलवस्तुको कृष्णनगर सीमा क्षेत्रबाट उद्दार गरिएको छ । कृष्णनगर सीमा क्षेत्रमा शान्ति पुर्नस्थापना गृहका कर्मचारीहरुले सोधपुछ गर्ने क्रममा युवतीहरुलाई उद्धार गरेको गृहका संयोजक भूमिराज भट्टराईले बताउनुभयो । उद्दार गरिएकालाई शान्ति पुर्नस्थापना गृहको कृष्णनगर स्थित आवास गृहमा राखिएको छ । बुटवलबाट नयाँ दिल्लीका लागि छुटेको लु ४ ख ६४८६ नम्बरको बसमा सवार तीन जना युवतीलाई सीमा क्षेत्रमा गरिएको जाँंचका क्रममा उद्दार गरिएको छ । उनीहरुलाई आफू कुन बाटोबाट कुन देश जान लागेको कुनै पत्तो छैन । उनीहरुसँ पासपोर्ट, प्रहरी रिर्पोट र मेडिकल रिर्पोट भए पनि भिसा भने नरहेको गृहका संयोजक भट्टराईले बताउनुभयो ।