सर्लाहहीको पूर्वी क्षेत्र हरिपुर्वामा अज्ञात समूहले बिहीवार नगरपालिकाको वडा कार्यालयमा आगजनीको प्रयास गरेको छ । वाडा नम्बर ५,६ र ९ को वडा कार्यालयमा आगजनीको प्रयास गरिएको जिल्ला प्रहरी कार्यालय सर्लाहले जनाएको छ । कार्यालयको झ्यालबाट स्प्राइटको बोतलमा पेट्रोलहाली आगजनीको प्रयास गरिएको प्रहरी उपरीक्षक उत्तमराज सुबेदीले बताउनु भएको छ । आगोले कार्यालयमा राखिएको टेबुलको माथिको भाग मात्र जलेको र समयमा प्रहरी पुगेकोले थप छति नभएको स्थानिय मुकेश झा बताउनु भएको छ । प्रहरीले आगजनी गर्ने समूहको खोजीकार्य गरिरहेको छ । घटना स्थलमा अहिले व्यापक प्रहरी परिचालन गरिएको छ ।