११ मोतिपुरमा बञ्चरो प्रहार वाट दुई जना घाईते भएका छन् । शुक्रवार विहान पौने ८ बजेको समयमा ३५ बर्षीय जागाराम चौधरीको आक्रमण वाट स्थानीय २९ बर्षीया फूलनिया चौधरी र ३२ बर्षीय ऋषिमान चौधरी गम्भिर घाइते भएको प्रहरीले जानकारी दिएको छ । फूलनिया र ऋषिमान श्रीमान श्रीमती हुन । फूलनियाको टाउको र ऋषिमानको खुट्टामा गहिरो घाउ लागेको छ । दुईजना मध्य फूलनियाको अवस्था गम्भिर रहेको प्रहरीले जनाएको छ । दुबैजनालाई राप्ती अञ्चल अस्पताल तुलसीपुरको प्रारम्भिक उपचारपछि थप उपचारका लागि बाँकेको कोहलपुर मेडिकल केलेजमा रेफर गरिएको प्रहरीले जानकारी दिएको छ । बञ्चरो प्रहार गर्ने जागाराम चौधरी फरार रहेको र खोजी भइरहेको ईलाका प्रहरी कार्यालय तुलसीपुरका प्रमुख एवं डिएसपी लोकनाथ तिम्सिनाले बताए । आक्रमणको कारण भने खुल्न नसकेको डिएसपी तिम्सिनाले बताए ।