Man Bahadur Chaudhary नेत्रबिक्रम चन्द बिप्लवले नेतृत्व गरेको नेकपा माओवादीका दुई जना कार्यकर्तालाई सुक्रबार प्रहरीले पक्राउ गरेको छ । पक्राउ पर्नेमा नेकपाका जिल्ला सचिवालय सदस्य ४९ वर्षीय चन्द्रवीर विश्वकर्मा र कार्यकर्ता ३१ वर्षीय खुमलाल गिरी छन् । ईलाका प्रहरी कार्यालय,बासगढीका प्रहरी निरीक्षक चक्र डम्बर पालका अनुसार बढैयाताल स्थित दक्षिण भकारीबाट उनीहरुलाई नगदी रसिदसहित पक्राउ गरिएको हो । प्रहरीले गत चैतयता चुनाव विरोधी गतिविधी गरेको आरोपमा जिल्ला ईन्चार्ज देवकला अधिकारी सहित १३ जनालाई प्रहरीले पक्राउ गरी सार्वजनिक मुद्दामा हिरासतमा राख्दै आएको छ । सार्वजनिक मुद्दामा सामान्य तारेखमा छाडिएका हिरासतममा राखिएको १३ जनालाई दुई साता अघि प्रशासन कार्यालयबाट पुन पक्राउ गरि प्रहरी पक्राउ गरिएको थियो । पक्राउ परेका नेकपा माओवादीका २ सहित १५ जना रहेकाछन् ।