आफ्नै २ नाबालिका छोरीलाई बेपत्ता बनाएको आरोपमा प्रहरीले लम्कीचुहा नगरपालिका-२ मोतिपुर बाट एक महिलालाई नियन्त्रनमा लिएको छ । यहि असार २१ गते घरबाट चिसापानी जना भनि आफ्ना ३ नाबालक सन्तान बोकी हिंडेकी २६ बर्षीय राधा जैसी कठायतले आफ्नै २ बर्षीय र ५ बर्षिया नाबालिका छोरी बेपत्ता बनाएकी थिईन् । बिहानै घरबाट ३ सन्तान लिएर हिंडेकी राधा जैसी कठायत बेलुकी घर फर्कँदा ८ महिनाको छोरा मात्र लिएर फर्केकी थिईन् । पक्राउ परेकी महिलाको बयानका आधारमा प्रहरीले एकजनालाई नियन्त्रणमा लिएर अनुसन्धान गरिरहेको छ । आरोपित महिलाले कहिले आफ्ना सन्तानलाई कर्णाली नदीमा बगाईदिएको त कहिले अपरिचित व्यक्तिले लिएर गएको प्रहरीलाई बताउंदै आएकी छिन् । राधाका श्रीमान बिगत लामो समयदेखि बैदेशिक रोजगारीको सिलशिलामा भारतमा रहँदै एक छन् ।