मतदानमा अन्तरघात गरेको आरोप लगाउँदै आफ्नै नेतामाथि दुर्व्यवहार गर्ने काँग्रेस कार्यकर्ताहरुलाई आन्तरिक चेतावनी दिईएको छ । कोहलपुर नगरपालिकाको निर्वाचन परिणामलाई लिएर गत बुधबार स्थानीय नेता युवराज पौडेललाई मोसो दलिएको थियो भने जयप्रसाद पौडेललाई धम्कि दिईएको थियो । घटनालाई लिएर विजय पुडासैनी, डम्मर वली, दयाराम भट्टराई, विक्रम ओली, दयाराम भट्टराई, विक्रम ओली र कुशल अधिकारीले सार्वजनिक माफी मागेपछि कारवाही नगर्ने निर्णय गरिएको पार्टी स्रोतले जनाएको छ । शनिबार भएको पार्टीको बैठकमा दोषीहरुले माफी मागेपछि प्रहरीमा दिईएको जाहेरी समेत फिर्ता लिने निर्णय भएको हो ।