कैलालीको पहाडी क्षेत्रमा रहेको मोहन्याल गाउपालिका ७ का करिब २६ वर्षीय भविन राजीको कुटपीटबाट मृत्यु भएको छ । सोही ठाउँका वीरेन्द्र राजीले १४ गते राती उनलाई कुटपीट गरेको जनाइएको छ । उनी १५ गते मृत अवस्थामा गाउँकै मादी खोला किनारमा मृत अवस्थामा भेटिएका थिए । सोमबार उनको टीकापुर अस्पतालमा पोष्टमार्टम भएको छ । लेनदेनमा विवाद हुँदा भविनलाई वीरेन्द्रले ढुंगाले हिर्काउदा मृत्यु भएको प्रहरीले जनाएको छ । हत्या आरोपमा वीरेन्द्रलाई प्रहरीले हिरासतमा राखेको छ ।