ताप्लेजुङमा गए राति छुरा प्रहारबाट एक युवक गम्भीर घाइते भएका छन् । मंगलवार राति करिव १० बजे फुङलिङ नगरपालिका ४ का स्थानीयवासी १७ वर्षीय प्रितम गुरुङलाई सोही स्थानका २१ वर्षीय राजा लिम्बूले छुरा प्रहार गरी घाइते बनाएको जिल्ला प्रहरी कार्यालय ताप्लेजुङले जानकारी दिएको छ । घाइते गुरुङको ताप्लेजुङमा उपचार हुन नसकेपछि राति नै झापा विर्तामोडको विएण्डसी रिफर गरीएको थियो । पेटमा छुरा प्रहार भएकाले ठूलो आन्द्रामा समस्या भएको उपचारमा संलग्न चिकित्सकको भनाइ छ । छुरा प्रहार गर्ने राजा लिम्बू फरार रहेकाले खोजी जारी रहेको प्रहरीले जनाएको छ ।