दुधकुण्ड नगरपालिका–१० झाप्रे बस्ने ५५ वर्षीय माझी तामाङको घरबाट १ थान भरुवा बन्दुक प्रहरीले बरामद गरेको छ । निज माझीका सहोदर ज्वाई ससुराली नजिकै घर बनाई बसेका दुधकुण्ड नगरपालिका–१० तारपानेका २४ वर्षीय पासाङ तामाङले भरुवा बन्दुक लिई श्रीमतीसँग बिबाद गरेपछि उनका ससुरा निज माझीले भरुवा बन्दुक खोसी राखेको भन्ने खबर प्राप्त हुनासाथ प्रहरी चौकी केरुङको प्रहरीले उक्त भरुवा बन्दुक नियन्त्रणमा लिएको हो । निज पासाङ तामाङ हाल फरार भएकोले खोजी कार्य गर्नुको साथै यस सम्बन्धमा प्रहरीबाट आवश्यक अनुसन्धान भइरहेको छ ।