धादिङमा प्रहरी कार्यालय अगाडि एक विद्यार्थीमाथि खुकुरी प्रहार गरिएको छ । जिल्ला प्रहरी कार्यालयको अगाडि रहेको नीलकण्ठ क्याम्पस कक्षा १२ मा अध्यायनरत सुमन तामाङमाथि बिहीबार बिहान खुकुरी प्रहार भएको हो । नीलकण्ठ क्याम्स गेट बाहिर तामाङलाई खुकुरी प्रहार भएको थियो । तामाङलाई धादिङ अस्पतालमा प्राथमिक उपचारपछि थप उपचारका लागि काठमाडौंस्थित ट्रमा सेन्टरमा पठाइएको प्रहरी उपरीक्षक ध्रुबराज राउतले बताउनुभयो । तामाङलाई उनका साथी स्यान्जेन तामाङले खुकुरी प्रहार गरेका प्रहरीले जनाएको छ । स्यान्जेनको खोजी भइरहेको प्रहरीले जनाएको छ । घटनाको कारण भने खुलीनसकेको प्रहरीले जनाएको छ ।