घरायसी विवादमा ईट्टा प्रहार गर्दा सम्मरीमाई गाउँपालीका–३ पिपरहवा बस्ने ४५ बर्षीय हसन राज जोगीको मृत्यु भएको छ । जोगीलाई सोमबार घरायसी बिबादमा ४२ बर्षीया श्रीमती सहबुन जोगी र १६ बर्षीय छोरा अलाउदिन जोगीले ईट्टाले हान्दा गम्भीर घाइते भएकोले उपचारको लागि मेडीकल कलेज भैरहवा लगिएकोमा उपचारको क्रममा मृत्यु भएको थियो । ईट्टा प्रहार गर्ने सहबुन र अलाउदिन जोगीलाई प्रहरीले पक्राउ गरी यस सम्बन्धमा आवश्यक अनुसन्धान गरिरहेको छ ।