तनहुँको बन्दीपुर गाउँपालिका वडा नम्बर–६ का वडा सदस्य वीरेन गुरुङलाई अज्ञात समूहका युवाले खुकुरी प्रहार गरेका छन् । व्यास नगरपालिका–२ बागबजार पेट्रोल पम्प नजिकै होटलमा गुरुङमाथि मंगलबार हमला भएको हो । खुकुरी प्रहारबाट घाइते वडा सदस्य गुरुङलाई रत्नहरि अस्पताल दमौलीमा सामान्य उपचारपछि मंगलबारै पोखरा मणिपाल अस्पताल ल्याइएको थियो । टाउकोमा गहिरो चोट लागेका गुरुङको अवस्था गम्भीर भएको हुनाले मणिपालबाट बुधबार न्यूरो अस्पताल काठमाडौं पठाइएको छ ।