नेपाली कांग्रेसका नेता तथा पूर्व दोधारा गाबिसका अध्यक्ष्य बेल बहादुर रानामाथि भारतीय जंगलमा सांघातिक आक्रमण गरिएको छ । बिहिबार दिउँसो रानामाथि आक्रमण गरि उनको साथमा रहेको ३६ हजार रुपैयाँ पनि लुटिएको छ । भारतीय सिमावर्ती सहरको अस्पतालमा उपाचार गरि फर्कने क्रममा उनीमाथि तेलफान पुल नजिक जंगलमा आक्रमण गरिएको हो । आक्रमणबाट रानाको टाउको, हात र खुट्टामा गम्भीर चोट लागेको छ ।