मोरंङको सुन्दरहरैचामा झुन्डिएको अवस्थामा फेला परेका ५३ बर्षिय सिरोमणि पौडेलको हत्या गरेको आशंकामा प्रहरीले दुई जनालाई पक्राउ गरेको छ । घरमा एक्लै रहेका पौडेल झुन्डिएको अवस्थामा बुधबार गाउँलेहरुले फेला परेका थिए। घांटीमा पासो लागेको अवस्थामा भेटिएका उनको घुंडा जमिनमै रहेकाले उनको आत्महत्या नभई हत्या भएको आफन्त तथा छिमेकीहरुले दाबी गरेका छन् । उनलाई केहि दिन अगाडि साढुभाई र सालाले हात बाँधेर कुटपिट गरि मलमुत्र खुवाएको मृतक पौडेलका भाई पुण्यप्रसाद पौडेलले बताउनुभयो । स्थानीयको दबाबपछि संकास्पद देखिएका मृतकका सालो चुडामणि निरौला र साढुभाई कृष्ण पोखरेललाई अनुसन्धानका लागि प्रहरीले पक्राउ गरेको छ ।