मोरङको उर्लाबारी नगरपालिका–७ मा मंगलबार खुकुरी प्रहारबाट एक युवक घाइते भएका छन् । घाइते हुनेमा उर्लाबारी नगरपालिका–६ हाटखोला बस्ने २० बर्षिय निसान राई रहेका छन् । साँझ ५ बजेतिर बाटोमा हिड्दै गरेका उनलाई सोही ठाउँका २० वर्षीय प्रदेस तामाङ लगायत ४÷५ जनाको समूहले खूकुरी प्रहार गरेका हुन् । खुकुरी प्रहारबाट शरिरको विभिन्न भागमा चोट लागेका राईको गम्भीर अवस्थामा न्युरो अस्पताल विराटनगरना उपचार भइरेहको छ । खुकुरी प्रहार गर्ने समूह फरार रहेकाले खोजी भइरहेको इलाका प्रहरी कार्यालय उर्लाबारीले जनाएको छ ।