खुकुरी प्रहार गरी हत्या गरेको अभियोगमा भगवतीमाई गाँउपालिका–७ बडाभैरव लाम्तडा बस्ने २१ वर्षीय मोहन खड्कालाई प्रहरीले पक्राउ गरेको छ । खड्काले आइतबार सोही ठाउँ बस्ने ४० वर्षीय जयबहादुर सिंह र उनको ३९ वर्षीया श्रीमती कमला सिंहलाई लेनदेनको विवादमा धारिलो हतियार खुकुरी र हँसिया प्रहार गरी हत्या गरेको बताइएको छ । खड्काले सिंहकोे १५ वर्षीय छोरा दिपकबहादुर सिंहलाई समेत खुकुरी प्रहार गर्दा घाँटीको आधा भाग काटिएर गम्भीर घाइते भएकाले उपचारको लागि मेडिकल कलेज कोहलपुर बाँकेमा पठाइएको छ । यस सम्बन्धमा प्रहरीले आवश्यक अनुसन्धान गरिरहेको छ ।