महाकाली नगरपालिका-१ प्रगतिटोल नजिक भारतीय युवाको एक समुहले नेपालीमाथि कुटपिट गरेको छ । स्थानीय बासिन्दा तथा नेकपा एमालेको महाकाली नगरपालिका-१ वडा कमिटिका सचिब जनकराज पन्तमाथि भारतीय युवकको एक समुहले कुटपिट गरेको हो । कुटपिटबाट पन्तको गलामा चोट लागेको इलाका प्रहरी कार्यालय चाँदनीका प्रहरी निरीक्षक मोहनसिंह साउदले बताए । पन्तले ४ जना भारतीय नागरिक बिरुद्द दिएको उजुरीका आधारमा छानबिन अगाडी बढिरहेको उनले बताए ।