DM Chamling
खोटाङ । ०७० असार ५ गते
राखावाङ्देल गाविस-३ की २७ वर्षीया राधा मोची नेपालीले आफूलाई पतिले घरनिकाला गरेको भन्दै असार ५ गते जिल्ला प्रहरी कार्यालयमा उजुरी दिएकी छन् ।
पति ३० वर्षीय पूर्ण मोची नेपालीले विनाकारण पटक पटक आफुलाई कुटपिट गर्दै आएको र असार ३ गतेदेखि घरबाट समेत निकाला गरेको भन्दै आफ्नो जीउधनको सुरक्षा र आरोपितमाथि तत्काल कारबाहीको माग गर्दै उनले प्रहरीमा उजुरी दिएकी हुन् ।
आरोपितलाई कार्यालयमा बोलाई आवश्यक कारबाही प्रक्रिया अगाडि बढाइने जिल्ला प्रहरी कार्यालयका इन्सपेक्टर दुर्गा रेग्मीले बताए ।
डिएम चाम्लिङ राई