तुल्सीपुर उपमहानगरपालिका–१३ बराखुट्टी बस्ने २७ वर्षीय सेतीराम रेउलेको चक्कु प्रहार गरी हत्या गरेको अभियोगमा सोही ठाउँ बस्ने २९ वर्षीय बसन्त महरालाई प्रहरीले पक्राउ गरेको छ । मादक पदार्थ सेवन गरेका महराले शनिबार राति भैलो खेल्ने क्रममा रेउले र १८ वर्षीया बालिका महरा नाम गरेकी युवतीलाई चक्कु प्रहार गर्दा गम्भीर घाइते भएकोले उपचारको लागि अञ्चल अस्पताल तुल्सीपुर लगिएकोमा रेउलेको मृत्यु भएको थियो । यस सम्बन्धमा प्रहरीले आवश्यक अनुसन्धान गरिरहेको छ ।