बन्गाड कुपिण्डे १ देवस्थलमा ड्युटीमा रहेका सल्लीबजार चौकीका इन्चार्ज चन्द्र कठायतलाई स्थानीय लिलबहादुर पुनले हातपात गरेका छन् । उनीमाथि अन्य युवाले पनि कुटपिट प्रयास गरेका थिए । केही स्थानीय युवाले मदिरा सेवन गरी गाउँमा होहल्ला गरेको भन्ने खबरका आधारामा प्रहरी टोली देवस्थल पुगेको थियो । हातपातमा संलग्न पुनलाई पक्राउ गरी जिल्ला प्रहरीमा पठाइएको कठायतले बताए । केही दिनअघि पनि देवस्थलकै युवाले इलाका प्रहरी सिम्तामा कार्यरत हवल्दार तारा डाँगीमाथि आक्रमण प्रयास गरेका थिए ।