ट्राफिक प्रहरीले बुटवलमा ई-रिक्सा चालकलाई कुटपिट गरेको छ। डिउटीमा रहेका पश्चिम छेत्रीय ट्राफिक प्रहरी कार्यालयका प्रहरी जवान नवीन भण्डारीले ना १ ह ७५०७ नम्बरको विद्युतीय रिक्सा चलाउने दुर्गा भुसाललाई बिहीबार दिउँसो बुटवल नेपालगंजरोड (तिनाउ पुल नजिकै) कुटपिट गरेका हुन्। चालक भूसालको अनुहारमा चोट लागेको छ। गुल्मी मदाने गाउँपालिका-६ पुर्कोटदहका भुसालले विगत तीन/चार महिना अगाडीदेखि बुटवलमा ई-रिक्सा चलाउंदै आएका थिए। ट्राफिक प्रहरीले पटक पटक बिना कारण ई-रिक्सा चालकहरु दुव्यवहार गरेको भन्दै रिक्सा व्यवसायी संघ, तथा ई रिक्सा चालक समिति बुटवलले ट्राफिकको व्यवहारमा सुधार नआए कडा आन्दोलन गर्ने चेतावनी दिएका छन्। बिना कारण आफूलाई प्रहरीले हातपात गरेको भनि भुसालले दुख पोखे।