मकवानपुरमा स्थानीय र प्रहरीबीच झडप भएको छ । पूर्व-पश्चिम राजमार्ग अन्तर्गत मकवानपुरको नेवारपानीमा प्रहरीले शनिबार राति झडप हुँदा प्रहरीले हवाई फायरिङ गरेको छ । स्थानीयवासी र नेवारपानी प्रहरी चौकीका प्रहरीबिच भएको झडपका क्रममा प्रहरीले चार राउण्ड हवाई फायरिङ गरेको हो ।स्थिति नियन्त्रणमा लिन प्रहरीले चार राउण्ड हवाई फायर गरिएको मकवानपुर प्रहरी प्रवक्ता डिएसपी दिलिप झाले बताए । प्रहरीले स्थानीय र वनभोजमा आएका व्यक्तिहरुको झगडा छुटाउने क्रममा एक युवतीलाई संवेदनशील अंगमा पर्ने गरी कुटपिट गरेको स्थानीयको आरोप छ । झडपका क्रममा स्थानीयले चौकीमा सामान्य तोडफोड गरेका छन् । तोडफोडबाट फर्निचरका साथै सिसाहरु फुटेको प्रहरी प्रवक्ता झाले बताए । झडपपछि केही समय चक्काजाम समेत भएको थियो ।