मकवानपुरगढी गाउँपालिका-५ खैरनी जोगीडांडामा गत आइतबार कोदालो तथा रड प्रहारबाट घाइते भएकी प्रमिला थिंगको मृत्यु भएको छ। थिंगको हत्या गरेको अभियोगमा मकवानपुरगढी गाउँपालिका-५, खैरानी जोगीडांडाकै शेरबहादुर थिंगलाई प्रहरीले शुक्रबार पक्राउ गरेको जनाएको छ। शेर बहादुर थिंगले गत आइतबार फलामको कोदालो र रड प्रहार गरी घाइते बनाएको प्रहरीले जनाएको छ। घाइते प्रमिलाको उपचारको क्रममा बिहिबार चुरेहिल अस्पतालमा मृत्यु भएको थियो। घटना बारे थप अनुसन्धान भैरहेको जिल्ला प्रहरी कार्यालय मकवानपुरले जानकारी दिएको छ।