धादिङको प्रतिनिधिसभा क्षेत्र नं १ अन्तर्गत थाक्रे–५ मा एमाले उम्मेद्धार भूमि त्रिपाठी चढेको गाडीलाई लक्षित गरी अज्ञात समूहले सुतली बम विष्फोट गराएको छ । आईतबार बिहान थाक्रे–५ दामेचौरको कार्यक्रम सकेर सोही बस्तीको बाहुनडाँडा भन्ने स्थानमा आयोजना गरिएको वाम गठवन्धनको सभालाई सम्बोधन गर्न जाने क्रममा बम विष्फोट भएको एमाले जिल्ला कमिटी सदस्य रामकुमार आचार्यले बताए । घटनामा कुनै क्षति भएको छैन । बम विष्फोट गराउने समूहको खोजी भइरहेको प्रहरीले जनाएको छ ।