कैलालीमा प्रहरीले नेत्रबिक्रम चन्द नेतृत्वको नेपाल कम्युनिस्ट पार्टीका ३ जना कार्यकर्तालाई पक्राउ गरेको छ । सो पार्टीका जिल्ला सदस्य एवं जानकी गाउँपालिका इन्चार्ज शिवराज पौडेल तथा जिल्ला सदस्य बजिर बिक र लोकमान भण्डारीलाई प्रहरीले पक्राउ गरेको हो । आगामी मंसिरमा हुने प्रतिनिधि सभा र प्रदेश सभा निर्वाचन बिरोधी गतिविधिमा संलग्न पाइएकाले सुरक्षालाई ध्यानमा राख्दै विप्लव नेतृत्वको माओबादीका उनीहरुलाई पक्राउ गरेको जिप्रका कैलालीका प्रवक्ता प्रहरी नायब उपरीक्षक बीरबहादुर बुढामगरले जनाए ।