पदमपोखरी बेलडांडा बस्ने बर्ष २८ का बीरेनकुमार लोप्चन आफ्नै घर नजिक बेलडांडा चोकमा बसिरहेका अवस्थामा हात्तीगौंडा बस्ने २३ का अशोक स्यांतान र बर्ष २७ का मिथुन तितुंगले 'काम छ' भनी बोलाए। धारिलो हतियारले टाउको, दाँया कोखा र कुमसमेतमा ज्यान मार्ने उद्देश्यले सांघातिक आक्रमण गरी फरार भए। निरन्तर खोजतलास गर्दै जाने क्रममा मंगलबार जिल्ला प्रहरी कार्यालय मकवानपुरबाट खटिएको प्रहरी टोलीले हेटौडा-१० बुद्द चोकबाट स्यांतानलाई पक्राउ गरेको छ। ज्यान मार्ने उद्योग मुद्दामा आवश्यक अनुसन्धान भैरहेको र तितुंगको खोजी भैरहेको प्रहरीले जनाएको छ।