हतियारसहित प्रहरीले महोत्तरीको बर्दिवासबाट शुक्रबार तीन जनालाई पक्राउ गरेको छ । पक्राउ पर्नेमा बर्दिबास नगरपालिका वडा नम्बर ३ पाटुका ३६ वर्षीय लेखबहादुर कालीकोटे, बर्दिबास नगरपालिकका १४ का ४२ वर्षीय भरत भनिने देवबहादुर हमाल र ५० वर्षीय टंकु मल्ल रहेको इलाका प्रहरी कार्यालय बर्दिबासका प्रहरी नायवउपरिक्षक प्रविण पोखरेलले बताए ।कालीकोटेलाई पाटुस्थित जंगल क्षेत्रमा बन्दुक बोकेर सिकार खेल्न हिँडेको अवस्था प्रहरी टोलीले प्रकाउ गरेको हो । हमाल र मल्ललाई बर्दिबास नगरपालिका २ स्थित सागरनाथ वन विकास परियोजनाको जंगल क्षेत्रमा बन्दुक लिएर सिकार खेल्न बा ६७ प ४७६७ नम्बरमा गइरहेको अवस्था प्रहरीको पक्राउ गरेको प्रहरी नायवउपरिक्षक पोखरेलले बताए । उनका अनुसार मल्ल र हमाललाई विशेष सुराकीको आधारमा प्रहरीले पक्राउ गरेको हो ।उनीहरुको साथबाट चार थान भरुवा बन्दुकसमेत प्रहरीले बरामद गरेको छ । पक्राउ परेका तीनै जनालाई इलाका प्रहरी कार्यालयका राखेर अनुसन्धान थालिएको छ ।