झापाको दमक बसपार्कमा शनिबार एक युवकमाथि धारिलो हतियार प्रहार गरी भागेका तीन मध्ये दुई जनालाई घटना लगत्तै प्रहरीले पक्राउ गरेको छ । दमक नगरपालिका-७ बस्ने बिजु सुब्बालाई बसपार्कभित्र बसिरहेको अवस्थामा एक्कासी खुकुरी र तरबारले हानेर भाग्दै गरेका दमक-८ बस्ने राजेश लिम्बू र राम दर्जीलाई प्रहरीले पक्राउ गरेको हो ।सोहि समूहका अर्का एक जना सुनसरी इटहरी बस्ने विवेक राई भने फरार भएका छन् । उनको खोजि कार्य भइरहेको प्रहरीले जनाएको छ । करिब २ बजेतिर बसपार्कभित्र आफ्नै मोटरसाइकलमाथि बसिरहेको अवस्थामा सुब्बामाथि तीन जनाले खुकुरी,तरबार र चक्कुले सांघातिक आक्रमण गरी भागेको भन्ने जानकारी प्राप्त हुनासाथ इलाका प्रहरी कार्यालय दमकबाट परिचालन भई नाकाबन्दी गरी उनीहरुलाई पक्राउ गरेको हो ।घाइते सुब्बाको लाइफलाइन अस्पताल दमकमा उपचार भइरहेको छ ।