प्रसौनी गाउँपालिका–३ प्रसौनी बस्ने ६५ वर्षीय गनपत राउत कुर्मीको आपसी झगडामा कुटपिट हुँदा मृत्यु भएको छ । सोही ठाउँ बस्ने २० वर्षीय प्रमोद पटेल र २९ वर्षीय विनोद पटेल तथा अर्को पक्षका सोही ठाउँ बस्ने ६० वर्षीय धनपत राउत कुर्मी र निज गनपतबिच जग्गाको बिषयमा झगडा भई कुटपिट हुँदा गम्भीर घाइते भएका उनको उपचारको लागि नारायणी उप–क्षेत्रीय अस्पताल बीरगंजतर्फ लैजाने क्रममा बाटोमै मृत्यु भएको हो । कुटपिट गर्ने प्रमोद र बिनोदलाई प्रहरीले पक्राउ गरी थप अनुसन्धान गरिरहेको छ ।