बरेङ गाउँपालिका-३ खाल्डे बस्ने ३० वर्षीय यमबहादुर सार्कीको छिमेकीको कुटपिटबाट मृत्यु भएको छ । सोही ठाउँ बस्ने ४० वर्षीया सुमित्रा सार्की र उनकै छोरा १९ वर्षीय अर्जुन सार्कीबीच बिहीबार घरायसी बिषयलाई लिएर झै-झगडा भइरहेको अवस्थामा मादक पदार्थ सेवन गरेका यमबहादुर झगडा मिलाउन गएकोमा आमाछोरा मिलेर कुटपिट गर्दा घाइते भएका यमबहादुरको उपचारको लागि मिसन अस्पताल पाल्पातर्फ लैजाँदै गर्दा शुक्रबार बाटोमै मृत्यु भएको हो । कुटपिट गर्ने दुबैजनालाई पक्राउ गरी घटनाका सम्बन्धमा प्रहरीले थप अनुसन्धान गरिरहेको छ ।