Pokhara, prahari hirasatma bhayeko kutpit prati manavadhikarkarmiko dhyanakarshan. Pokhara/September 9 Santa Bahadur Gurung, 64, of Phedi in Satmuhane Deurali VDC-2 has been beaten in the custody of the Police Post Dandakonak. Gurung was handed over to the police post following a debate with the helper of the bus (Ga1Kha 3499) over the bus fare while he was returning after receiving his pension from Indian Pension Camp in Pokhara on September 4. According to Gurung, police beat him inside custody after a debate started between the police and him when he grabbed the policeman's uniform. Gurung sustained serious injuries when the policemen beat him with lathi, boot and punches. Dr. Prem Bahadur Pun of the Om Hospital where the victim is undergoing treatment said that he sustained injuries to his left eye, back and a broken backbone. He added that the injured also sustained injury to his kidney. Civil Society Network for Peace, Kaski, INSEC Western Regional Office Pokhara issued a joint press statement urging the concerned bodies to take legal action against the guilty and provide treatment to the victim. INSEC Western Regional Office सातमुहाने देउराली गाविस-२ फेदीका ६४ वर्षीय सन्तबहादुर गुरुङलाई प्रहरी चौकी डाडाँकोनाकका प्रहरीले नियन्त्रणमा लिएर कुटपिट गरी सख्त घाइते बनाएको घटना ०७० भदौ २३ गते सार्वजनिक भएको छ । पोखरास्थित भारतीय पेन्सन क्याम्पबाट पेन्सक लिएर ग १ ख ३४९९ नं. को बसमा घर फर्कर्दै गर्दा भदौ १९ गते बसका सहचालकसँग भाडाको विषयमा विवाद भएपछि गुरुङलाई डाँडाँकोनाकस्थित प्रहरी चौकी समक्ष बुझाइएको थियो । प्रहरीको नियन्त्रणमा रहेका गुरुङ र प्रहरीबीच पुनः विवाद हुँदा प्रहरीको बर्दी समातेकोपछि प्रहरीले आफूलाई कुटपिट गरी यातना दिएको पीडितले बताए । पीडितलाई प्रहरीले र्सार्वजनिक अपराध अन्तरगत मुद्दा चलाएको छ । प्रहरीले उनलाई मुक्का, लाठी र प्रहरीको बुटले कुटपिट गरी सख्त घाइते बनाएको छ । प्रहरीको कुटपिट र यातनाबाट गुरुङको बायाँ आँखामा चोट लागेको, मेरुदण्डको हड्डी र करङ्ग भाँचिएको उपचारमा संलग्न ओम अस्पतालका चिकित्सक डा.प्रेमबहादुर पुनले बताए । उनले पीडित गुरुङको मेरुदण्ड भाँचिनुका साथै पिसाव थैलीमा रगत जमेको बताउँदै मृगौलामा समेत असर परेको बताए । यसैबीच, शान्तिका लागि नागरिक समाजको सञ्जाल, कास्की र अनौपचारिक क्षेत्र सेवा केन्द्र (इन्सेक) पश्चिमाञ्चल क्षेत्रीय कार्यालय, पोखराले संयुक्त रुपमा विज्ञप्ति प्रकाशित गरी घटनाप्रति ध्यानाकर्षण भएको जनाउँदै घटनाको सत्यतथ्य छानबिन गरी पीडकलाई कानुनी कारबाही र पीडितको उचित उपचार तथा क्षतिपूर्तिसहित न्यायको प्रत्याभूति दिलाउन सरोकारवाला निकायसँग माग गरेको छ । सञ्जालका संयोजक विष्णुप्रसाद बराल र इन्सेकका क्षेत्रीय संयोजक शिव खकुरेलद्वारा प्रकाशित विज्ञप्तिमा घटनामा प्रहरीको ज्यादती भएको र प्रहरी, प्रशासन घटनाप्रति जवाफदेही बन्न नसकेको तथा पीडितमाथि सार्वजनिक अपराधको मुद्दा चलाएको उल्लेख छ । नागरिकको सुरक्षाको जिम्मेवारी लिएको प्रहरी प्रशासनबाट नै यसप्रकारका गम्भीर घटना हुनुले आमनागरिक प्रहरीको सुरक्षा व्यवस्थाप्रति विश्वसनीय हुन नसक्ने प्रष्ट भएको उल्लेख गर्दै विज्ञप्तिमा यातना तथा अन्य क्रूर अमानवीय र अपमानजनक व्यवहार वा दण्ड विरुद्धको महासंन्धीको पालना गर्नसम्पूर्ण सरोकारवाला निकायसँग आग्रह गरिएको छ । साथै आगामी दिनमा यस प्रकारका घटना नदोहोर्‍याउन तथा मानवअधिकारको सम्मान गर्नका लागि सम्बन्धित निकायसँग विज्ञप्तिमार्फ आग्रह गरिएको छ ।