अज्ञात व्यक्तिले बाराको सिमरौनगढ नगरपालिका-१० देवापुर टेटामा सनिबार बिहान एक महिलाको घांटी थिची हत्या गर्ने प्रयास गरेको छ । अनुहारमा नाकाब लगाएर आएको अज्ञात व्यक्तिले स्थनीय २१ बर्षीय पिंकी खातुनलाई घांटी थिचेर हत्या गर्ने प्रयास गरेको हो । उक्त व्यक्तिले आफुँलाई मुख थुनेर बेल्ट र डोरीले घांटी थिचेर हत्या प्रयास पिंकिले बताइन् । अचेत अवस्थामा रहेकी पिंकीलाई स्थानीयले उपचारका लागि अस्पतालमा लागेका थिए ।