आठराई त्रिवेणी गाउँपालिका-४ ओख्रे बस्ने ३० बर्षीय किशोर लिम्बुको बन्चरो प्रहारबाट मृत्यु भएको छ । उनलाई सोमबार सोही ठाउँ बस्ने ३५ बर्षीय डम्बर लिम्बुले बन्चरोले टाउकोमा प्रहार गर्दा घाइते भएकोले जिल्ला अस्पताल ताप्लेजुङ हुँदै नोबेल अस्पताल बिराटनगर पठाइएकोमा उपचारको क्रममा मंगलबार मृत्यु भएको थियो । डम्बरलाई प्रहरीले पक्राउ गर्नुको साथै यस सम्बन्धमा आवश्यक अनुसन्धान गरिरहेको छ ।