साथीको छुरा प्रहारबाट सर्लाहीको इश्वरपुरमा एक युवा गम्भीर घाइते भएका छन् ।घाइते हुनेमा इश्वरपुर् नगरपालिका ५ सखुवानीका १७ वर्षीय कमल गोले रहेको इलाका प्रहरी कार्यालय केशरगंजले जनाएको छ ।साथी-साथी बीच भएको विवादका कारण स्कूलबाट एक्लै घर फर्किरहेका कमललाई उनका साथीहरु आशिक अन्सारी,बेचु राम र सुरेश रामले छुरा प्रहार गरेका थिए ।छुरा प्रहार गर्ने तीनै जनालाई प्रहरीले पक्राउ गरेको छ ।घटनामा संलग्न अन्य दुई जनाको खोजी भइरहेको प्रहरीले जनाएको छ ।छुरा प्रहारबाट घाइते भएका कमलको दायाँ कोखामा गम्भीर घाउ लागेको छ ।उनलाई थप उपचारका लागि बिरगंज पठाइएको प्रहरीले जनाएको छ ।