गएराती शितगंगा नगरपालिका ९ लामिदमारमा रहेको वडा कार्यालयमा अज्ञात समुहले आगजनी गरेको छ । करिब राती ११-४५ वजे अज्ञात समुहले आगजनी गरेको वडा सदस्य खुम बहादुर लुईचेले जानकारी दिए । स्थानीयले तीन जनाको समूहमा आएकाले वडा कार्यालयमा आगजनी गरेको बताएका छन् । आगजनीबाट कार्यालयका फर्निचर तथा महत्वपूर्ण कागजात जलेर नष्ट भएको कार्यालय सहयोगी सन्देश घर्तीले जानकारी दिए । प्रहरी टोली पुगेर घटनाको मुचुल्का गर्ने काम भैरहेको बताईएको छ । घटनाको कुनै समुहले अहिलेसम्म जिम्मा लिएको छैन । घटनाको प्रारम्भिक अनुसन्धान भैरहेको प्रहरीले जनाएको छ ।