उर्लाबारी नगरपालिका पुगेका एक जना सेवाग्राहीलाई इप्रका उर्लाबारीबाटै खटिएका मेयरका सुरक्षा गार्डले निर्घात कुटपिट गरे ।मंगलबार आफ्नी बहिनि ज्वाईको विवाद मिलाउन उर्लाबारी नगरपालिकाको न्यायिक समिति पुगेका सुनसरी इटहरीका मनिष भण्डारी पिटिएका हुन्। मेयर खड्ग फागोका सुरक्षा गार्ड नेपाल प्रहरीका हवल्दार सम्पति राजवंशीले बिनाकारण आफुलाई कुटपिट गरेको पिडित भण्डारीको गुनासो छ ।न्यायिक समितिको कार्यकक्षमा छलफल भइरहेको बेला "बढी बोल्छस्" भन्दै राजवंशीले कुटपिट गरेको उनको भनाइ छ ।उनि रक्ताम्य अवस्थामै इलाका प्रहरी कार्यालय उर्लाबारी पुगेका थिए ।