क्याम्पस प्रमुखलाई नियुजित रूपमा हातपात गरेको र त्यसपछि अनर्गल प्रचार गरेको आरोप लगाउँदै दमक बहुमुखी क्याम्पसले क्याम्पसका विद्यार्थी एवम् स्ववियु सचिव रोशन भण्डारीलाई क्याम्पसबाट निष्काशन गरिएको बताइएको छ । दमक बहुमुखी क्याम्पसमा सूचना टाँसेर भण्डारीलाई निष्काशन गरिएको जानकारी दिईएको हो। दुई दिन अघि क्याम्पस प्रमुखलाई भण्डारीले हातपात गरेको आरोप लागेको छ । इलाका प्रहरी कार्यालय दमकले भण्डारीलाई नियन्त्रणमा लिएको जनाइएको छ । भण्डारीले आफूमाथि अन्याय भएको बताएका छन् ।