सर्लाहीको पश्चिम क्षेत्रमा पर्ने बालारा नगरपालिका वडा नम्बर ३ मा एक व्यक्तिको हत्या भएको छ । बलरा नगरपालिका-३ का ६५ बर्षिया जुनल शाहको आफ्नै मदिरा पसलमा हत्या भएको प्रहरीले बताएको छ । शाहको घांटीमा थिचेर हत्या भएको जिल्ला प्रहरी कार्यालय मलंगवाका प्रबक्ता डीएसपी पुरुषोत्तम राज पाण्डेले जानकारी दिए । सांझा एक्लै पसलमा सुतेका बुवा बिहान मृत फेला परेको मृतक जुनल शाहका छोराहरुले जनाएका छन् । घटनाको बारेमा अनुसन्धान भईरहेको प्रहरीले बताएको छ ।