संविधान जारी भएको दिनको विरोधमा ‘स्वतन्त्र मधेस गठबन्धन’ले आयोजना गर्न लागेको ‘चलु जनकपुर भरु जनकपुर’ कार्यक्रमको तयारीकाक्रममा बुधबार जनकपुरका विभिन्न चोक र धनुषाका विभिन्न स्थानबाट रयाली निकालेका छन् । कार्यक्रम गर्ने भनिएको बाह्रविगाह मैदानलाई प्रहरीले घेरा गरे पनि ‘स्वतन्त्र मधेस गठबन्धन’ले जनकपुरका रामानद चोक देखि रयाली निकाले छन् । जनकपुरका सुरक्षा व्यवस्था कडा गरीए पनि डा.सीके राउतका समर्थकहरुले हजारौको संख्यामा रयाली निकालेका थिए । महोत्तरी, सिरहा, सप्तरी, रौतहट र रुपन्देहीलगायतका स्थानबाट पनि राउत समर्थकलाई पक्राउ गरिएको जनाइएको छ । धनुषाबाट प्रहरीले सीके राउतका समर्थक १०० भन्दा बढीलाई पक्राउ गरेको छ ।