नवलपरासी पाल्हीनन्दन गाउँपालिका-१ बस्ने ३५ बर्षीय गणेश मल्हाको कुटपिटबाट मंगलबार मृत्यु भएको छ । प्रतापपुर गाउँपालिका-४ बर्दघाटस्थित सडकमा युपि ५६ एफ ९९५९ नम्बरको भारतीय मोटरसाइकलमा सवार मल्हा र सोही गाउँपालिका बस्ने ३५ बर्षीय नरपतेश्वर चौहानलाई सोही स्थान बस्ने १७ बर्षीय दिलिप यादब लगायत ५/६ जना ब्यक्तिहरुले कुटपिट गर्दा गम्भीर घाइते भएका चालक मल्हाको जिल्ला अस्पताल पृथ्वीचन्द्र परासीमा उपचारको क्रममा मृत्यु भएको हो । घाइते चौहानको सोही अस्पतालमा उपचार भइरहेको छ । कुटपिट गरी फरार भएका अभियुक्तहरुको खोजी गर्नुका साथै यस सम्बन्धमा प्रहरीले आवश्यक अनुसन्धान गरिरहेको छ ।