दाउराको चिर्पट प्रहार गरी हत्या गरेको अभियोगमा षडानन्द नगरपालिका-५ आपटारे बस्ने २७ वर्षीय पञ्चबहादुर मगर भन्ने मानबहादुर मगरलाई मंगलबार प्रहरीले पक्राउ गरेको छ । पुरानो रिसइबीको कारण सोही स्थान बस्ने २६ वर्षीय सुरेश राईलाई उनले चिर्पटले टाउकोमा प्रहार गर्दा गम्भीर घाइते भएपछि उपचारको लागि अस्पतालतर्फ लैजाने क्रममा बाटोमै मृत्यु भएको हो । यस सम्बन्धमा प्रहरीबाट आवश्यक अनुसन्धान भइरहेको छ ।