उदयपुरको कटारी नगरपालिका- ८ मा अज्ञात समूहले शनिबार राति २ वटा स्काभेटर र १ तेल ट्यांकरमा आगजनी गरेका छन्। सौर्य सिमेन्ट उधोगको चुनढुंगा खानी उत्‍खन्न प्रयोजनका लागि राखिएको स्काइभेटर र ट्यांकरमा आगजनी भएको हो।तेल ट्यांकरमा ६ हजार लिटर तेल थियो। आगजनीको कारण र समूहको पहिचान भने हुन सकेको छैन।

आगजनीबाट दुवै स्काभेटर र ट्यांकी पूर्णरुपमा क्षति भएको सिद्धिचरण मल्टिपर्पजका सञ्चालक दिनेश कटुवालले बताए। घटनाको अनुसन्धान भइरहेको इलाका प्रहरी कार्यलय कटारीका प्रमुख धुर्वकुमार श्रेष्ठले जानकारी दिए।