भरतपुर महानगरपालिका–१६ मङ्गलपुरमा पुस २० गते राति ७ बजेको समयमा नेपाली कांग्रेसका महासमिति सदस्य ३८ वर्षीय राजु पौडेलमाथि साङ्घातिक आक्रमण भएको छ ।

बाटोमा हिँडिरहेको अवस्थामा केही युवाहरूले पौडेललाई कुटपिट गरेको भन्दै उनकी पत्नी ३५ वर्षीया उर्मीला पौडेलले चितवन प्रहरीमा पुस २१ गते उजुरी दिएकी छन् ।

उनले दिएको उजुरीमा आरोपितहरूको नाम किटान गरिएको छैन । कुटपीटबाट घाइते राजुको उपचार चितवन मेडिकल कलेजमा भइरहेको छ ।