काठमाडौँ । खुकुरी प्रहार गरी लुटपाट गर्ने एक जनालाई प्रहरीले पक्राउ गरेको छ ।पक्राउ पर्नेमा सर्लाही रानीगञ्ज घिमिरे चोक घर भएका २८ बर्षीय गोपाल दयाल रहेका छन् । दयाललाई महानगरीय प्रहरी प्रभाग लगनखेलबाट खटिएको टोलीले बुधबार राती ८ बजे बजे लगनखेलबाट पक्राउ गरेको हो । दयालले ललितपुर महानगरपालिकाको  कुमारीपाटीमा रहेको ईन्भेष्टमेन्ट बैंककोएटिएमबाट पैसा निकाल्ने एक जनालाई खुकुरी प्रहर गरी पैसा लुटपाट गर्न खोजेका थिए । दयालको साथबाट प्रहरीले खुकुरी एक थान र खुर्सानीको धुलो एक पोका बरामद गरेको छ । खुकुरी लागि घाईते भएकालाई पाटन अस्पताल उपचार भइरहेको छ । घटना सम्बन्धमा थप अनुसन्धान भइरहेको छ ।