चिरपट प्रहार गरी हत्या गरेको अभियोगमा महाकाली नगरपालिका-२ शारदा बस्ने महेन्द्र बोहोरालाई आइतबार राति प्रहरीले पक्राउ गरेको छ । आफ्नै भाई कालु सिंह बोहोराको बिबाहमा सोही नगरपालिका बस्ने २३ वर्षीय हरजित धामीसँग बाद-बिबाद भई झगडा हुँदा बोहोराले धामीको टाउकोमा चिरपट प्रहार गर्दा गम्भीर घाइते भएकोमा अञ्चल अस्पताल महेन्द्रनगर उपचार पश्चात थप उपचारको लागि भारत खटिमातर्फ लैजाने क्रममा बाटोमा मृत्यु भएको थियो ।  यस सम्बन्धमा प्रहरीले थप अनुसन्धान गरिरहेको छ ।