तनहुँ, २३ माघ  घिरिङ गाउँपालिका- ३ डाँडाथोकबाट कुटपिटमा संलग्न ३ जनालाई बुधबार बिहान प्रहरीले पक्राउ गरेको छ ।  पक्राउ पर्नेमा घिरिङ गाँउपालिका-३ बस्ने १७ वर्षीय सुजन आले, १९ वर्षीय मनोज राना र २८ वर्षीय सन्तबहादुर थापा रहेका छन् ।सोही ठाउँस्थित बिहेको भोजमा भिमाद र घिरिङका युवाहरु बिच झगडा भएकोमा सोही नगरपालिका-४ बस्ने १४ वर्षीय निशान राना समेत ४ जनालाई कुटपिट गरेको अभियोगमा उनीहरुलाई प्रहरीले पक्राउ गरेको हो । कुटपिटबाट घाइते भएका निशान समेत ४ जनाको गण्डकी मेडिकल कलेज पोखरामा उपचार भइरहेको छ ।   यस सम्बन्धमा प्रहरीले आवश्यक अनुसन्धान गरिरहेको छ ।