चितवन, ६ फागुनखैरहनी नगरपालिका-१ ज्यामिरे बस्ने ३२ वर्षीय बिकाश श्रेष्ठ धारिलो हतियार खुकुरी प्रहारबाट आइतबार दिउसो घाइते भएका छन् । खैरहनी नगरपालिका-५ गौचरण भन्ने स्थानमा चौरमा बसिरहेका श्रेष्ठलाई हाल नम्बर नखुलेको मोटरसाइकल र स्कुटीमा आएका अपरिचित ४ जना ब्यक्तिहरुले खुकुरी प्रहार गरी फरार भएका थिए । खुकुरी प्रहारबाट गम्भीर घाइते भएका श्रेष्ठको नयाँ मेडिकल कलेज भरतपुरमा उपचार भइरहेको छ । फरार अभियुक्तहरुको प्रहरीले खोजी गर्नुका साथै यस सम्बन्धमा आवश्यक अनुसन्धान गरिरहेको छ ।