बागलुङका विभिन्न ठाउँमा रहेका एनसेलका टावरमा पनि आगो लगाइएको छ। बागलुङ नगरपालिका–७ मूलपानी, गल्कोट नगरपालिका–८ काँडेबास र निसीखोला गाउँपालिका–७, राजकुतमा रहेको एनसेलको टावरमा आगो लगाइएको छ। आगोले जलेर एनसेलको सर्भिस प्रोभाइडर बक्स, जेनेरेटरलगायतका सामानमा क्षति पुगको जिल्ला प्रहरी कार्यालय बागलुङले जनाएको छ। एनसेल टावरमा कसले र किन आगो लगायो भन्ने नखुलेकाृ जिल्ला प्रहरी कार्यालय बागलुङका प्रवक्ता डिएसपी चिरञ्जीवी कोइरालाले बताए। ‘अहिलेसम्म कसैले पनि घटनाको जिम्मा लिएको छैन,’ उनले भने, ‘हामीले शूक्ष्म रुपमा अनुसन्धान थालेका छौं। अहिलेसम्म पुष्टि भएको छैन।’ आगोले क्षति भएको काँडेबास टावर मर्मत गरी सञ्चालनमा ल्याइएको छ। निसीखोलाको टावर भने सञ्चालन आउन बाँकी रहेको प्रहरीले जनाएको छ।