बाराको जितपुर सिमरामा फाल्गुन १५ गते शंकास्पद अवस्थामा ७१ बर्षीय वीर बहादुर मोक्तानको शव फेला परेको छ। मोक्तानको शरीर सहजनाथ सामुदायिक वनको एउटा रुखमा झुन्डिएको अवस्थामा फेला परेको हो। उनको शरीर रगताम्मे रहेको र घुडाले भुइँ छोएको पाईएको थियो। उनको टोपी र कमिज घटनास्थल भन्दा टाढा भेटिएको थियो।   

मोक्तानको परिवार तथा आफन्तले उनको हत्या भएको दाबी गरेका छन्। मृतकका छोरा छेत्र बहादुरले केही दिनदेखि छिमेकी र केही आफन्तले बोक्सोको आरोपमा उनका बाबुलाई यातना दिई रहेको जानकारी गराएका छन्। छेत्र बहादुरले बाबुको हत्यारालाई पक्राउ गरी कारबाही गर्न माग गरेका छन्।